Mark Thomson

Date: 2015-10-07; view: 374.

A) audiofile: BBC Voices_scotland-dundee.ram

Lives: Dundee, Dundee

Time lived in area: More than 10 years

Occupation: Unemployed

Listen to Mark's poem about his mother tongue, and his pride in the unique Dundee accent.

Transcript

MARK: Eh'll gie you a poem as well and this tells you exactly whit you can dae wi the Dundee dialect an that as well and how it's used an that as well and the reason how it come aboot wis eh wis in Glascae an eh wis at a hamburger van an there was an English guy there. Eh'd said tae him "pass the sauce up, mate!" an he went, "oh, that's a braw Dundee accent you've got there!". I says "it's no' braw, it's braa!" An so that inspired me to go an write a poem an, an eh called it The Mither Tongue. An it goes "Eh wis born an bred in a toon called Dundee, so wis meh mither an father afore me. We've got a habit o talkin dead fest wi oor speech o which i wis blessed. There are some that say it's a wee bit raa, eh dinna think so at aa. Eh think it's braa, it's fine an dandy, it's loose an free when eh talk in broad Dundee. It's just as meh father aye spoke to me fae eh wis wee. It's meh mither tongue, it's a way o life, I think they talk worse ower in Fife. They aa chow the cud an talk like teuchters, the other half, they're aa poofters. Well eh'm fae Dundee an proud tae be. We've got some dodgy sayings, eh'll gie you that. They're no' that bad tae the Dundee ear, it's aa they ootsiders that think it's queer. Well eh'm seek sair wi the Dundee tongue bein brought doon, that's how eh'm here theday to put you straight. Eh love talkin loose an free when eh talk in broad Dundee. It's whaur eh'm fae, it's meh identity, it's fae the hert. Eh share it wi meh mither, mah father, mah brither an aa the fowk eh ken wi nae airs or graces as I go aboot an talk tae Dundee faces".